Trajneri i Kombëtares shqiptare, Sylvinho, doli këtë të hënë në një konferencë për mediat, menjëherë pas publikimit të listës paraprake për finalet e Kampionatit Europian “Gjermani 2024”.
Njerëzit e besuar si Sokol Cikalleshi e Keidi Bare, apo edhe golashënuesi i Granadas, Myrto Uzuni, lojtarë që kanë dhënë gjithcka për fanellën do të detyrohen ta shohin Europianin nga divani. Alen Sherri nuk ishte në listë, tekniku brazilian preferoi Simon Simonin në vendin e portierit të Egnatias. Në lidhje me këtë mungesë, 26-vjeçari shkodran reagoi për emisionin “Zona 30” në RTSH.
“E prisja një ftesë nga ecuria që kemi bërë në kampionat, por nuk është problem, është zgjedhje e stafit, duhet të punojë më tepër që herën tjetër të jem pjesë e listës për grumbullimet e ardhshme.”