Partizani u mund në finalen e kampionatit shqiptar nga Egnatia dhe duhet të kënaqet në këtë edicion përsëri me vendin e dytë në renditje, Rrogozhinasit i mundën 1-0 të kuqtë të cilët provuan deri në fund të shënonin, pro pa sukses në ndeshjen e luajtur në “Air Albania”, ku kishin një mbështetje shumë të madhe nga tifozeria kryeqytetase.
Pikërisht këtyre tifozëve u është drejtuar me një postim sulmuesi Xhuliano Skuka, i cili në pjesën e dytë humbi dy raste për shënim në fund të sfidës.
“Ju jeni krenaria e këtij klubi, Nuk e meritonit këtë fund. Nuk jeni ndalur gjatë gjithë vitit duke kënduar dhe duke na qëndruar afër në çdo moment”, shkruante sulmuesi i cili u kthye përsëri në janar te të kuqtë pasi huazimi nga Metz te Maribori në Slloveni nuk shkoi mirë.
