Skënder Gega ka nisur një kapitull të ri në karrierën e tij pasi u shkëput nga profesioni i trajnerit. Ish-trajneri i Partizanit ka nisur një projekt të ri, më sakt një “Podcast”.
Episodi i parë i këtij projekti të quajtur “Soccer Talk Podcast” është publikuar, teksa gjatë bisedës që Gega kishte me të ftuarit Neptun Bajko dhe Ledjo Pano, merr vëmendjen një frazë e thënë nga ish-trajneri kampion.
“Unë nuk kam dalur kurrë kur jemi rrahur. Ta them me sinqeritet. Na ka rrahur Tirana, s’bëhej fjalë të dilja në qendër.Ta bënte gjyqin, fatorino, këpucari, shitësi…”, ka thënë Skënder Gega.
