Aurela Hoxha është bërë sërish nënë. Modelja ka zgjeruar familjen duke sjellë në jetë një vajzë, sipas “News 31”. Edhe këtë herë ajo e ka mbajtur shtatzëninë sekrete. Në rrjetet e saj sociale nuk ka asnjë gjurmë që tregon se është në pritje të ëmbël, pasi Aurela ka postuar foto normale, madje dhe me bikini.
I vetmi detaji që mund të veçojmë është një buqetë me lule që ajo ka publikuar së fundmi duke lënë të kuptohet se lajmet janë të vërteta. Një vit e gjysmë më parë ajo u bë nënë e një djali që e ka quajtur Alaron. Aurela poston rrallë foto me të voglin, ashtu si edhe me partnerin, të cilin e mban larg vëmendjes publike.