Baton Zabërgja nga sot është edhe zyrtarisht një futbollist i Metalist 1925 në Ukrainë. Sulmuesi është transferuar nga radhët e Dinamos te klubi ukrainas me të cilin do të vazhdojë karrierën e tij. Marrëveshja ishte arritur prej kohësh, por lojtari ka luajtur edhe turin e tretë të Ligës së Konferencës me Dinamon, para se të transferohej në klubin e ri. Pasi ka mbyllur procedurat burokratike, ai ka udhëtuar drejt Ukrainës dhe sot është prezantuar në klubin e ri.
View this post on Instagram
Prezantimin e ka bërë Metalist 1925 me një video ku fillimisht shfaqej Peter Itodo Mandela, sulmuesi tjetër i transferuar nga Dinamo, i cili mirëpriste partnerin e “zakonshëm” të sulmit në këtë aventurë të re. Ata i janë bashkuar atje Ermir Rashicës dhe Kristian Mba, të cilët gjithashtu janë pjesë e Metalist 1925, duke krijuar një repart sulmi “Made in Superiore”.