Ai shënoi më së shumti gola në Botërorin 2022 në Katar, dje shkëlqeu me një hat-trick, ishte gati të ishte heroi i fundit për Francën, humbi gjithçka në goditjen e penalltive. Kjo situatë për Mbappe, i cili ishte thjesht i pangushëllueshëm dhe nuk donte të shihte as Emmanuel Macron, presidentin e Francës.
Mbappe ishte shumë i mërzitur dhe nuk donte të shihte askënd përballë, ndërsa presidenti francez e ndiqte nga pas për ta ngushëlluar. Mbappe tregoi se nuk donte ta shihte përballë dhe nuk donte të dëgjonte askënd. Veprimet e sulmuesit francez treguan se nuk kishte oreks për asnjë. Macron u përpoq ta ngushëllonte dhe i zgjati dorën për ta ngritur nga fusha, por Mbappe u hoq sikur nuk kishte askënd aty pranë. Por kur u afrua portieri i Argjentinës, Emiliano Martinez, i zgjati dorën Mbappes për ta çuar prej aty dhe francezi pranoi ku madje shkëmbyen edhe dy fjalë dhe një përqafim të vakët.
Macron nuk u largua, ai qëndroi atje, e përqafoi, u përpoq ta inkurajonte, por Mbappe ishte me të vërtetë sikur nuk donte të shihte dhe të dëgjonte askënd dhe refuzoi në mënyrë të dukshme çdo përpjekje për ngushëllim. Ishte e pahijshme, presidenti francez u largua në mënyrë të sikletshme prej tij.
Kulmi sigurisht ishte momenti kur ai u ngjit në skenën speciale të ndarjes së çmimeve për të marrë trofeun e golashënuesit më të mirë. Macron përsëri u përpoq ta ngushëllonte, duke e tërhequr pas vetes dhe përsëri për të pëshpëritur fjalë ngushëlluese. Mbappe nuk donte dhe kjo ishte e qartë.
Mbappe nuk mendoi për asnjë moment të fshihte refuzimin për të pranuar këtë ngushëllim, duke u përpjekur dëshpërimisht të shpëtonte nga prania e Macron. Vetë Macron pak më vonë zbuloi se çfarë i tha Mbappes në vesh.