Yazan Madani ka nisur një aventurë të re në karrierën e tij futbollistike. 20-vjeçari është transferuar në Arabinë Saudite, te ekipi i Al Ahli.
Lajmin e ka zyrtarizuar klubi arab nëpërmjet një postimi në rrjetet sociale. Palët kanë firmosur mes tyre një kontratë 3-vjeçare dhe Madani do të luajë me ekipoin U-21.
Siç dihet 20-vjeçari sezonin e mbylli me Egnatian në Superiore, ku ia doli të fitojë edhe titullin kampion me rrogozhinasit, ndërsa luajti vetëm 2 ndeshje. Ndërkohë vlen të theksohet se kalimi në Arabinë Saudite është një rikthim për të, pasi ish-i i Egnatias është një lojtar i dalë nga akademia e Al Ahli.