Futbollisti shqiptar Luis Hasa, ka qenë padyshim një nga yjet më të shndritshëm të përfaqësueses së Italisë, e cila triumfoi në Europianin U19. Djaloshi shqiptar, i cili aktivizohet me akademinë e Juventusit, ishte i pandalshëm në lojën e tij në sulm, teksa ishte asisti i tij që solli golin fitores 1-0 në finale ndaj Portugalisë.
Një sukses që e ka bërë atë një emër edhe më të vlerësuar nga italianët, të cilët tashmë kanë frikë se për djaloshin e lindur në Itali, por nga një familje shqiptare, do të vijë shumë shpejt ftesa që mudn ta tundojë nga Kombëtarja A e Shqiperisë.
Faqja e Facebook “Calcio Da Dietro” e cila shkruan speciale për personazhe të futbollit italian, përtej elozheve për Hasën, të cilin e cilëson si lojtarin më të mirë të Euriopianit, shkruan pikërisht për faktin se ai duhet të ftohet nga Italia e madhe për të mos ia dhënë mundësinë Shqipërisë që ta rrëmbejë djaloshin. Qoftë edhe për faktin se ai kishte pritur deri në moshën 18-vjeçare për të veshur fanellën e “axurrëve” meqë ishte fëmijë emigrantësh shqiptarë.
“Kujdes ndaj merkatos së kombëtareve, pasi Silvinjo, trajneri i Shqipërisë, nuk do të pyesë dy herë kur të bëhet fjalë për të bërë listën për ekipin e madh. Në atë pikë do të jetë djaloshi ai që do të zgjedhë, por Hasa duhet të jetë një trashëgimi e mbrojtur e topit tonë, dhe si e tillë duhet mbështetur dhe të bëhet që të ndjehet i rëndësishëm, para se Tirana ta tërheqë drejt vetes”, shkruhet në faqen e njohur sportive italiane në Facebook.