Kristjan Asllani ka përfunduar mes “fajtorëve” të humbjes së djeshme të Interit përballë Milanit. Për shtypin italian disfata zikaltër në derbin e qytetin ka “fajtorë” dhe mes tyre ka përfunduar edhe mesfushori shqiptar.
Në analizën e bërë pas ndeshjes portali “Calcio Mercato” ka vlerësuar me notën 5 (pesë) paraqitjen e Asllanit duke e argumentuar se: “Nuk ka personalitetin e duhur për ndeshje të mëdha, me atë në fushë reparti i mesfushës ishte më i qëndrueshëm”.
Me notën më të ulët ishte vlerësuar trajneri Simone Inzaghi. “Nuk lexoi ndeshjen si duhet në të dy pjesët. Me zëvendësimet e bëra në mesfushë i dha mundësi Milanit ta zhvillonte sipas planit ndeshjen”, ishte komenti i portalit për teknikun, të cilin e vlerësoi me notën 4.5.