171
Kosova e nis me humbje edicionin e ri të Ligës së Kombeve. Në “Fadil Vokrri” të Prishtinës, ekipi dardan u mund me rezultatin 0-3.
Denis Man hapi serinë e golave për rumunët në fundin e pjesës së parë, ndërsa Marin dyfishoi rezultatin nga penalltia. Në minutat e fundit, Dragus vulosi fitoren me golin e tretë.
Duhet përmendur që Kosova mbeti me 10 lojtarë, pasi Vojvoda mori kartonin e dytë të verdhë dhe u largua nga fusha para kohe. Një natë për t’u harruar për skuadrën drejtuar nga Foda, që tani duhet të mendojë për ndeshjen ndaj Qipros.