Mbrojtësi i kombëtares shqiptare Marash Kumbulla largohet nga Roma, por qëndron në Serie A, pasi do të veshë fanellën e Sasuolos për pjesën e mbetur të sezonit. Marrëveshja mes dy klubeve është arritur që mbrëmjen e djeshme dhe janë sistemuar edhe detajet e këtij transferimi.
Kumbulla do të shkojë te Sasuolo në formë huazimi të thjeshtë deri në përfundim të sezonit aktual. Mbrojtësi shqiptar ka kaluar me sukses vizitat mjekësore me skuadrën e re dhe në orët në vazhdim do të zyrtarizohet edhe transferimi i tij te Sassuolo.
Kumbulla shpreson që të gjejë më shumë hapësira në fushë te Sasuolo, pasi te Roma ka munguar edhe për shkak të një dëmtimi, që e la larg formacionit për një kohë të gjatë. Te Sasuolo mbrojtësi do të bashkohet me mesfushorin shqiptar Nedim Bajrami.