Kukësi mjaftohet me një penallti shënuar saktë nga Redon Danaj, për të siguruar mbijetesën në Kategorinë e Parë. Në një ndeshje play-out” shumë të luftuar nga skuadrat, ku nuk kanë munguar ndërhyrjet e ashpra dhe shumë kartona të verdhë që në minutat e parë, gjithçka është vendosur nga një penallti e akorduar në minutën e 30 të takimit nga gjyqtari Olsion Yzeiraj pas një faulli ndaj Redon Danajt në zonë.
Ka qenë vetë ky i fundit që mori përsipër gjuajtjen duke e transformuar saktësisht për t’i dhënë avantazhin verilindorëve. Më pas skuadra e drejtuar nga Tafaj luajti e kujdesshme deri në fund të ndeshjes, duke mbajtur larg portës së vet Orikun, për të siguruar qëndrimin në Kategorinë e Parë edhe në sezonin e ardhshëm.Finalja e “play-out” ishte mjaft e luftuar. Dhe verilindorët kishin gjithë të drejtën për të festuar pas ankthit të finales.“Ia dolëm. Shihemi sezonin e tjetër. Bashkë, për Superioren”, shkruhet në postimin e klubit të Kukësit. Kukësi prej këtij sezoni luan në të Parën. Synim është rikthimi në elitë ku u fitua edhe titulli kampion para 8 viteve.
KASTRIOTI-LUZI
Kampionati i Kastriotit ka ardhur gjithnjë në rënie, por shpresohet që sezoni të shpëtohet në ndeshjen e fundit, ku të dielën do të përballen me Luzi 2008. Bëhet fjalë për finalen e “play out”-it, ku fituesi i këtij takimi do të luajë në Kategorinë e Parë në sezonin 2025-2026. Takimi është vendosur të luhet ditën e diel, ora 15:00, në stadiumin e Vorës.
LEXO ME SHUME:Jemi me tifozët dhe në fushën tonë, Skënder Gega i kërkon lojtarëve sforcon e fundit: Respekt për Elbasanin, por kam besim se do ia dalim…
Comments are closed