Beniada Nishani dhe Argjira Spanca kanë qenë mbrëmë të ftuara në emisionin “Goca dhe Gra”, për të folur rreth bashkëpunimit të tyre në programin “N’trip”.
Mirëpo vajzat nuk u kanë shpëtuar dot pyetjeve për jetën private dhe lajmeve që qarkullojnë për to, kryesisht Beniada.
Kujtojmë që pas përfundimit të BBV, Beniada është vendosur në Shqipëri duke lënë Italinë dhe para pak ditësh publikoi një foto nga shtëpia e saj e re, e cila u përfol gjatë në media.
Mirëpo, modelja tha se nuk ka blerë shtëpi, thjesht ka marrë me qira një apartament 1+1 në Tiranë.
Beniada tha:
“Realiteti është se kam një shtëpi me qera, 1+1, nuk e kam blerë akoma. Nuk është lukzose, por do jetë megjithëse duhet içik sakrificë, duhen disa vite të punoj. Është një shtëpi e thjeshtë, por ne qera se shumë veta më shkrujtën “Aaa ku i gjete lekët?”, e shkreta unë. Por kurioziteti i tyre është i madh, ta dini që jam me qera”.