Fundjava pritet të jetë në ndikim të kushteve atmosferike të paqëndrueshme.
Ditën e shtunë moti pritet të jetë kryesisht i vranët e intervale të shkurtra me diell.
Shërbimi Meteorologjik Ushtarak parashikon reshje shiu që në orët e para të mëngjesit, fillimisht në veriperëndim e gradualisht do të shtrihen edhe në pjesën tjetër të vendit.
Reshjet do të jenë me intensitet të ulët në jug, ndërsa në veriperëndim dhe qendër me intensitet mesatar e lokalisht të lartë. Hera-herës priten reshje në formën e shtrëngatave, shoqëruar me shkarkesa elektrike dhe breshër.
Ditën e diel moti parashikohet me alternime kthjellimesh dhe vranësira, të cilat në orët e mesditës do të pasohen nga reshje lokale shiu në veri dhe qendër të vendit.
Era do të jetë nga kuadrati i jugut me shpejtësi mesatare deri në 10m/sek, duke bërë që valëzimi në detet Adriatik dhe Jon të jetë i forcës 2-3 ballë.
