E ardhmja e portierit Kristi Qarri duket se do të jetë larg Vllaznisë.24-vjeçari është shumë pranë largimit nga kuqeblutë, pas afrimit të portierit gjerman Leon Pohls.Ky i fundit ka mbërritur në Shkodër për të marrë rolin e titullarit mes shtyllave, duke e bërë edhe më të vështirë hapësirën për Qarrin në formacion.
Në sezonin e kaluar, Kristi Qarri ishte portieri i parë deri në momentin që u dëmtua, por konkurrenca e shtuar së fundmi me Pohls e ka shtyrë atë të mendojë për një transferim diku tjetër, për të pasur më shumë minuta në fushë. Edhe vetë trajneri Martini deklaroi në intervistën e sotme se deri në sekondën e fundit nuk do të merret një vendim për titullarin mes shtyllave të Vllaznisë në ndeshjen e nesërme, Pohls apo Jukaj, duke i shuar kështu shpresat e Qarrit.