Komisioni i Etikës e Disiplinës pranë Federatës shqiptare të Futbollit motivohet gjithnjë e më tepër me ndëshkime me gjoba për klubet e Abisnet Superiore dhe Kategroisë së Parë ku penalizohet sjellja e gabuar e spektaktorëve. 850 mijë lekë është totali i faturës që duhet të paguajnë klubet. Laci dhe AF Elbasani janë dy klubet që janë dëmtuar më tepër financiarisht, ekipi kurbinas është dënuar në masën 300 mijë leke dhe zhvillimin e katër ndeshjeve pa tifozë, për ngjarjen që ndodhi në takimin kundër Partizanit.
Po ashtu presidenti i klubit kurbinas, Pashk Laska nuk do të jetë në stadium për katër ndeshje për sjellje jo sportive ndaj zyrtarëve të ndeshjes. Në krahun tjetër, AF Elbasani është dënuar me 400 mijë leke për sjellje të gabuar të tifozëve dhe mesazheve fyese, gjithashtu klubi verdheblu duhet të dëmpshpërbleje dëmet e shkaktuara të të stadiumit Air Albania. Tirana është dënuar me 100 mijë lekë për të njëjtën motiv, ndërsa Kukësi për 50 mijë lekë për shkak se nuk resptoi detyrimet duke shkaktuar vonesë në fillimin e ndeshjes.
- KF Laçi, për sjellje të gabuar të spektatorëve, duke hedhur sende në fushën e lojës dhe duke mos garantuar sigurinë e zyrtarëve të ndeshjes, në bazë të neneve 6/3/b, 8/1, 17/2/b dhe 17/2/h të KDE, dënohet me gjobë në masën 300.000 (treqind mijë) lekë dhe zhvillimin e 4 (katër) ndeshjeve pa spektatorë.
Në zbatim të nenit 58 të Rregullores së Aktivitetit, KF Laçi urdhërohet të dërgojë për miratim listën e zyrtarëve të cilët do të qëndrojnë në tribunë, tek delegati i ndeshjes, të paktën 48 orë përpara fillimit të çdo ndeshje deri në përfundim të dënimit.
- Zyrtari i KF Laçi, Pashk Laska,për sjellje josportive ndaj zyrtarëve të ndeshjes, në bazë të nenit 14/1/j të KDE dënohet me 4 (katër) ndeshje pezullim nga aktiviteti. Në zbatim të nenit 6/2/c të KDE, zyrtarit i ndalohet hyrja në të gjitha stadiumet, në veprimtaritë sportive të organizuara nga FSHF, deri në përfundim të dënimit.
- KF Tirana, për sjellje të gabuar të spektatorëve duke hedhur sende në fushën e lojës, ndezje flakadanësh dhe mjeteve të tjera piroteknike, në bazë të neneve 17/2/b dhe 17/2/c të KDE, dënohet me gjobë në masën 100.000 (njëqind mijë) lekë.
KF Tirana, urdhërohet të dëmshpërblejë dëmet e shkaktuara në Stadiumin “Air Albania” sipas akt konstatimit, brenda 15 ditëve.
- AF Elbasani, për sjellje të gabuar të spektatorëve duke hedhur sende në fushën e lojës, ndezje flakadanësh dhe mjeteve të tjera piroteknike si dhe kore dhe mesazhe fyese, në bazë të neneve 17/2/b, 17/2/c dhe 17/2/e të KDE, dënohet me gjobë në masën 400.000 (katërqind mijë) lekë.
AF Elbasani, urdhërohet të dëmshpërblejë dëmet e shkaktuara në Stadiumin “Air Albania” sipas akt konstatimit, brenda 15 ditëve.
- KF Burreli, në bazë të nenit 6/1/a të KDE, paralajmërohet se në rast të përsëritjes së mos marrjes së masave për zbatimin e rregullave të lojës duke shkaktuar vonesa, do të jetë subjekt i masave disiplinore që parashikon Kodi i Disiplinës dhe Etikës dhe Rregulloret e FSHF.
- Zyrtari i FK Pogradeci, Anesti Lipo, për sjellje josportive ndaj zyrtarëve, pas përfundimit të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.
- FK Kukësi, për mos respektimin e detyrimeve dhe rregulloreve të aktivitetit duke shkaktuar vonesa në fillimin e ndeshjes, si dhe për sjellje të gabuar të spektatorëve, duke ndezur mjete piroteknike, në bazë të neneve 17/1/b dhe 17/2/c të KDE, dënohet me gjobë në masën 50.000 (pesëdhjetë mijë) lekë. Sipas nenit 76/1/a të KDE, gjoba të aplikohet në masën 50%.
- Rrëzimin e kërkesës së lojtarit Aleks Dedgjonaj të KF Burreli si të pabazuar në Kodin e Disiplinës dhe Etikës.
- Rrëzimin e kërkesës së zyrtarit Andrit Bici të KF Gramshi si të pabazuar në Kodin e Disiplinës dhe Etikës.