Redon Dragoshi nuk është më një futbollist i Kukësit. Është vetë lojtari që njofton ndarjen pas 3 viteve ku luajti për fanellën e klubit të qytetit të tij të origjinës. Mbrotjësi i djathtë bëhet largimi i rradhës pas shumë të tjerëve duke zgjeruar akoma më shumë eksodin te verilindorët.
“Pershendetje nga sot dua te ju njoftoj se kohes time tek FK Kukesi i erdhi fundi .3 Vite me plot gezime dhe probleme ,falenderoj tifozat e mrekullushem qe do mbeten gjithmon ne zemren time”, shkruan ai në Instagram.
Kukësi do të përballet me largime në masë këtë merkato me më shumë se gjysmën e skuadër që ka derën e hapur ku disa prej tyre janë larguar tashmë. Dragoshi luajti 73 ndeshje me Kukësin gjatë këtyre 3 sezoneve duke gjetur 1 herë rrugën e rrjetës dhe duke dhuruar 1 asist.