Laçi vijon me “gjuetinë” e talenteve. Ajdi Dajko është afrimi i radhës në merkato për kurbinasit. Lajmi është konfirmuar nga kurbinasit nëpërmjet një postimi në faqen zyrtare në “Instagram”. Dajko ishte pjesë e klubit grek të AEK-ut që sezonin e shkuar u shpall edhe kampion.
20-vjeçari, produkt i akademisë së AEK-ut, luan në qendër të mbrojtjes dhe është 1.88 i gjatë. Gjithashtu Dajko është pjesë e Kombëtares Shpresa të Alban Bushit, ku ka veshur fanellën kuqezi në dy sfida.
“Së fundmi kemi arritur marrëveshjen për qendërmbrojtësin e talentuar te kombetares Shqipëtare U-21 Ajdi Dajko nga AEK Athens . Miresevjen dhe suksese ne familjen bardhë e zi”, shkruan Laçi në faqen zyrtare.