Edhe pse merkatoja ka përfunduar, lojtarët e lirë në treg vazhdojnë të qarkullojnë dhe Bylis ka bërë një “peshkim” perfekt. Sot klubi ballshiot ka prezantuar një sulmues ekspert dhe me CV të fortë, Eva Wankewai, i cili ka luajtur në Greqi, Algjeri, Bullgari, Azerbajxhan, Kinë dhe se fundi ne Iran. Kamerunasi sezonin e fundit ishte në Iran, por prej janarit nuk ka qenë më pjesë e ekipit.
NJOFTIM!
FK BYLIS ka kënaqësinë të njoftojë zyrtarizimin e sulmuesit nga Kameruni, Rooney Eva Wankewai, 28-vjeç me eksperiencë në disa shtete, ku është aktivizuar në Superligën greke, Bullgari, Azerbajxhan, Kinë, Iran, Algjeri, por ka luajtur edhe me përfaqësuesen U-17 dhe U-20 të Kamerunit. Eksperienca e kamerunasit pritet që të jetë një forcë e shtuar në repartin ofensiv të skuadrës sonë.
Rooney Eva Wankewai, do të jetë gati për trajnerin Josa, për sfidat e radhës. I urojmë mirëseardhjen pjestarit më të ri të skuadrës sonë dhe suksese.