Liverpool ka arritur një fitore tejet të rëndësishme në Ligën Premier, pasi ka mposhtur Leicester Cityn me rezultat bindës 3-0.
Me triumfin ndaj Leicesterit, The Reds janë në krye të tabelës me 20 pikë sa ka edhe Tottenham Hotspur.
E në këtë sfidë mungoi ylli kosovar, Xherdan Shaqiri shkaku i një lëndimit.
Por vetëm pas ndeshjes u mësua arsyeja e mungesës së gjilanasit, pasi për të ka folur trajneri Jurgen Klopp.
![](https://klikoje.com/wp-content/uploads/2020/11/1_GettyImages-1283334206-1024x1024.jpg)
Gjermani ka konfirmuar se Shaqiri është rikthyer në stërvitje me Liverpoolin nga Përfaqësuesja e Zvicrës, e më vonë është mësuar se ai kishte një problem me muskujt e tij.
“Shaqiri kishte një problem me muskujt gjatë kohës sa ishte me ekipin kombëtar, por ai nuk e kishte kuptuar as vet se ishte lënduar”.
“Ai u rikthye në klub, stërviti me ne dhe më vonë e ndjeu. Pasi i bëmë një skanim e kuptuam se bëhej fjalë për një lëndim që i kishte ndodhur pesë ose gjashtë ditë më herët”, deklaroi Klopp.
![](https://klikoje.com/wp-content/uploads/2020/11/P2020-10-31-Liverpool_West_Ham-33-1200x750-1-1024x640.jpg)
“Askush nuk e dinte për këtë lëndim të tij, madje as vet Shaqiri dhe kështu ai nuk ishte i gatshëm për ndeshjen ndaj Leicesterit”, përfundoi trajneri gjerman.
Shaqiri do t’i mungojë kampionëve në fuqi të Anglisë edhe të mërkurën mbrëma në ndeshjen e Ligës së Kampionëve ndaj Atalantës.
![](https://klikoje.com/wp-content/uploads/2020/11/0_Shaqiri-1024x576.jpg)
Burimi: Telegrafi