Tirana prej dy ditësh është duke u stërvitur në “Skënder Halili”. Të shtunën pasdite dhe të dielën paradite, skuadra ka punuar e drejtuar nga ish-ndihmësit e Shkëmbit, si dhe trajneri i portierëve, Alfred Osmani. Klubi bardheblu ka nisur merkaton në hyrje pas firmës me Tsotne Patsatsia, Klikoje Sport ka mësuar se Tirana ka firmosur me Kleandro Lleshin.
25-vjeçari Kleandro Lleshi sezonin e fundit ishte pjesë pjesë e Laçit, duke qenë një nga lojtarët më të mirë të klubit kurbinas, dhe njëkohësisht mbajti shiritin e kapitenit. Një firmë e rëndësishme për mbrojtjen dhe mesfushën e Tiranës, pasi lojtari luan në dy repartet difensive. Kleandro Lleshi zhvilloi këtë sezon 30 ndeshje me fanellën e Laçit. Mësohet gjithashtu se Tirana është në bisedime me Angelo Tafas, portieri mbylli aventurën me Teutën.
Nga lojtarët titullarë, veç shqiptarëve të mbetur si: Haxhiu, Kola, Ismajli e ndonjë tjetër, pjesa tjetër ishte me të rinj. Me grupin edhe dyshja latinoamerikane Rafael dhe Luçiano Vera. Me grupin ishte bashkuar Ernest, ndërsa Gjumsi vazhdon të vuajë një problem në shpatull. Pjesa tjetër e futbollistëve ishte e gjitha dhe të rinjtë e skuadrës bashkuar me 19-vjeçarët.