Përfundojnë 2 ndeshjet e fundit të javës së 17-të të Kategorisë së Parë. Vora mposhti 3-1 Luzin në shtëpi duke marrë 3 pikët e rradhës që e konsolidojnë në vendin e 3-të edhe për këtë javë. Fitorja u erdhi nga ‘stoli’ teksa u desh futja e Albi Xhabrahimit për të shënuar 2 golat e fitores. Luzi del pa pikë dhe mbetet në vendin e 10-të me 12 pikë.
Ndeshja tjetër mes Besës dhe Burrelit u mbyll pa gola me skuadrat që ndajnë nga 1 pikë që i shkon për shtat matjanëve që ruajnë distancën me zonën e ftohtë dhe ngjiten në vendin e 8-të jashtë Play-Out me 16 pikë, 1 më shumë se Kastrioti që ka 1 ndeshje më pak. Kavajasit shpërdoruan edhe një 11-metërsh në pjesën e parë duke zhgënjyer sërish teksa mbeten në vendin e 11-të me 12 pikë në zonën e rënies.