Java e gjashtë e Kategorisë së Parë pritet të dhurojë përballje sat ë bukura, aq dhe interesante. Besa drejtuar nga Mirel Josa pas barazimit ndaj Lushnjes javën e kaluar, do të kërkojë me patjetër të blindojë vendin e parë, por duhet të bëjë kujdes ndaj një Apolonise të plagosur, që kërkon të rimëkmbët dhe të largohet nga zona e ftohtë e renditjes me 4 pikë të koleksionuara.
Në takimet e tjera, Flamurtari do të presë Valbonën, një takim që në letër duket e lehtë për ekipin vlonjat. Në takimet e tjera, Vora do të presë skuadrën e Pogradecit, Kukësi do të tentojë të marrë fitoren e dytë radhazi ndaj Korabit në stadiumin Zeqir Ymeri, ndërsa një përballje interesante është ajo mes Burrelit dhe Lushnjes. Java e gjashtë do të mbyllet të dielën me sfidën Erzeni-Kastrioti, përballje që do të luhet në orën 16:00. Ekipi shijakas ndodhet në vendin e fundit me 0 pikë dhe asnjë gol i shënuar dhe skuadra e Justin Bespallës kërkon me patjetër pikë ndaj një kundërshtari si Kastrioti që vjen me moral të lartë pas fitores ndaj Burrelit.