239
Një tjetër gazetar vdiq papritur në Katar, fotoreporteri Khalid al-Misslam. Vdekja e tij është bërë e ditur në Twitter nga kanali televiziv “Al Kass” dhe raportohet edhe nga Gulf Times, ku lexojmë se Khalid “vdiq gjatë mbulimit të Kupës së Botës”, edhe pse ende nuk dihen arsyet e vdekjes së tij.
Lajmi tragjik i shtohet vdekjes së Grant Wahl, gazetarit amerikan që humbi jetën gjatë ndeshjes Holandë-Argjentinë në rrethana ende “për t’u sqaruar”. Stacioni televiziv Al Kass i dha lamtumirën punonjësit të tij si më poshtë: “Kanalet Al Kass vajtojnë vdekjen e Khaled al-Misslam, një fotograf në departamentin kreativ”, lexohet në rrjetet sociale.