Partizani po kalon një formë të shkëlqyer teksa në 6 ndeshjet e fundit ka po kaq fitore duke patur një ecuri perfekte prej plot 18 pikësh maksimale. Të kuqtë kryesojnë renditjen së bashku me Egnatian edhe pse ‘zyrtarisht’ janë pa trajner.
Me largimin e Zoran Zekic, në stol zbriti drejtori Arbër Abilaliaj, por nuk pritet të vijojë në pankinë pavarësisht rezultateve të shkëlqyera. Orges Shehi është drejt emërimit në krye të ‘Demave’, emërim që pritet të vijë gjatë pauzës së Kombëtareve.
Mirëpo, me vete durrsaku do të marrë edhe Artan Karapicin dhe Sebino Plakun, sipas shtypit të shkruar, me të cilët ka punuar së fundmi tek Tirana.