Shkëndija e Tetovës luan nesër në Azerbajxhan ndaj Qarabag për turin e tretë të Champions League. Ekipi nga Tetova u mposht në Shkup me rezultatin 0-1 dhe ndaj kampionëve azerë do të tentojnë të bëjnë surprizën e madhe për të kërkuar të vijojnë rrugëtimin në këtë kompeticion. Në prag të përballjes foli trajneri Jeton Beqiri i cili theksoi se skuadra e tij do të luajë gjithçka për gjithçka.
Cili do të jetë faktori kryesor në rrugën për të mposhtur Qarabagun?
Ndeshja e nesërme do të jetë shumë e vështirë. Qarabag është një ekip shumë i fortë dhe me përvojë. Nesër do të bëjmë maksimumin. Ne do të përpiqemi të shënojmë. Ne humbëm ndeshjen e parë. Nuk kemi asgjë për të humbur. Kemi pasur probleme në ndeshjen e parë sidomos në aspektin fizik. Gabim në golin e parë. Kishim edhe mundësi për të shënuar.
A do të ishte regjistruar një rezultat tjetër nëse do të kishit luajtur më me guxim? Ju luajtët ndryshe kundër klubit të Steauas…
Ne u përpoqëm të bënim më të mirën. Sidomos në pjesën e parë, Qarabag luajti më mirë. Ndihej se kishim mbetur prapa fizikisht. Por ne luajtëm më mirë në pjesën e dytë. Jam dakord që këtë herë do të luajmë më agresivisht dhe më sulmues. Sepse nuk kemi asgjë për të humbur. Përfundoi trajneri Jeton Beqiri