Engjëll Hoti është lojtari më i ri i Umraniyespor. Mesfushori nga Kosova vendosi të mbyllte aventurën e tij me Lodz në Poloni, për të nisur një të re në Kategorinë e Parë turke.
27 vjeçari njihet edhe në Shqipëri pasi më parë ka luajtur për Tiranën dhe Partizanin. Me të dyja ekipet e kryeqytetit, fantazisti është shpallur kampion, duke fituar titullin edhe si bardheblu, por edhe si “dem”.
Tashmë, Hoti është gati për aventurën e tij në Turqi, ku luan për herë të parë. Më herët, përveç Superiores, Engjëll Hoti ka luajtur edhe në Gjermani dhe Kosovë.