Inter zhgënjen në ndeshjen ndaj Salernitanës në javën e 29-të të Serisë A. Zikaltrit barazuan 1-1 në Salerno, ku deri në minutën e fundit të kohës së rregullt po kryesonin 0-1, falë golit të Gosens, pas një aksioni model të nisur që në gjysmëfushën e tyre nga këmbët e Kristjan Asllanit, i përzgjedhur këtë herë titullar nga Inzaghi.
Interi e kontrolloi lojën, pa pësuar gol për minuta të tëra, por një harkim i Candrevës në minutën e 90-të gjeti të papërgatitur portierin Onana, me topin që përfundoi direkt në rrjetë.
Zhgënjim në radhët e zikaltërve, që kanë marrë vetëm një pikë në katër takimet e fundit. Tani është në rrezik edhe vendi i katërt, që siguron pjesëmarrjen në Champions.