Duke qenë se prej disa muajsh po shijojnë një romancë të bukur mes tyre, të gjithë duan të dinë se kur do ta ‘plasë’ pyetjen e madhe Dj Pm. Çifti ka udhëtuar drejt Prishtinës në fundjavë në dasmën e një prej miqve të tyre dhe në një moment të gjithë besuam që PM i propozoi Sarës.
Në një video të publikuar në rrjetet sociale, Dj Pm shfaqet me një kuti unaze dhe ulet në gjunjë pranë Sarës, teksa kjo e fundit shihet pafund e emocionuar.
Megjithatë kutia ishte bosh dhe gjithçka ishte një lojë.
Më vonë, ndoshta i ndjerë edhe në faj për rrengun e tij, Dj Pm I bëri një dedikim shumë të bukur Sarës në Instagram.
“Në Romë kam qenë, po romantik s’jam hiç. Nuk e di cfarë të shkruaj, veç “Urime ditëlindja zemra ime e mirë”. T’i uroj krejt t’mirat e botës e ishalla sukseset nuk të ndalen kurrë. Të dua Sarushka ime”- ka shkruar ai.
Kështu që për të parë një propozim fejese nga çifti na duhet të presim edhe ca.