Nuk arriti ta shijojë as edhe një minutë fushën e gjelbërt, kjo pasi ai përfundoi në prangat e policisë. Futbollisti i Dukagjinit të Klinës, Theophilus Solomon, u arrestua pasi ishte i shpallur në kërkim ndërkombëtar. Policia ka konfirmuar arrestimin e sulmuesit Solomon gjatë ndeshjes Dukagjini – Dinamo.
“Mund të ju konfirmoj se një person shtetas i huaj, i kerkuar nga INTERPOL, konkretisht nga Republika e Shqipërisë, është arrestuar nga Policia e Kosovës dhe është dërguar në mbajtje për procedura të metejme sipas ligjeve në fuqi të Republikës së Kosovës”, deklaroi zëdhënësi i Policisë së Kosovës për rajonin e Prishtinës, Daut Hoxha për Sinjalin.
Solomon raportohet se ishte arrestuar më parë edhe në Shqipëri, pasi ishte akuzuar për dhunë ndaj të dashurës së tij.Futbollisti e kishte për obligim që të paraqitej në policinë e Kosovës çdo tre muaj, gjë që thuhet se nuk e kishte bërë.
Dukagjini arriti të fitoj minimalisht me rezultat 1:0 kundër Dinamo Ferizajt, duke depërtuar në çerekfinalen e Kupës së Kosovës