110
Dervish Haxhiosmanoviç kthehet përsëri në pankinë në Shkodër, aty ku kishte edhe kulmin e karrierës së tij si trajner, duke u shpallur kampion me Vllazninë. Por këtë radhë, jo për të drejtuar përsëri kuqeblutë, ndonëse i ndjek me vazhdimësi ata.
Tekniku malazez ka zbarkuar në Shkodër për të nisur punën si trajner i Basanias, që do të marrë pjesë edhe në këtë edicion në Kategorinë e Dytë. Skuadra me qendër në Bushat sapo ka filluar përgatitjet për sezonin e ri dhe “Deda”, siç njihet në Shkodër, do të ketë për detyrë që të ndërtojë grupin dhe ta bëjë gati për pjesëmarrjen në edicionin e ri.
Një kthim interesant në futbollin shqiptar për Haxhiosmanoviç, i cili për herë të fundit pat drejtuar në vitin 2014 në vendin tonë.