Trajneri i Hajduk Split Gonzalo Garcia pret një ndeshje të vështirë, në konferencën për shtyp tekniku respektoi Dinamon.
“Nëse ne nuk bëjmë punën tonë, ata do të jenë të rrezikshëm. Shpresoj të fillojmë me intensitet të mirë. Mendoj se ndeshja e parë ishte pozitive. Në disa momente nuk ishim mirë, por krijuam raste të mjaftueshme për të fituar me më shumë gola. Kjo është Europa, nuk ka ndeshje të lehta. Ata e kanë këtë trajner prej disa kohësh. Është e rëndësishme të luajmë ashtu siç duam.
Tifozët e Hajdukut i ndien menjëherë, na ndjekin kudo. Ndihemi sikur jemi gjithmonë në shtëpi, i respektoj njerëzit me pasion dhe energji, shpresoj t’i bëjmë të lumtur”, përfundoi Gonzalo Garcia.
Nëse Hajduk eliminon Dinamo Cityn, atëherë në play-off të Conference League do të luajë kundër fituesit të takimit Jagiellonia-Silkeborg.