Shqipëria mundet nga Kili në miqësore me shifrat 3-0. Një rezultat që lë një shije të hidhur për kuqezinjtë, pasi përpara takimit, Shqipëria vinte me 5 fitore dhe 3 barazime, duke mos u mundur prej 1 viti. Një 90 minutësh për t’u harruar në “Tardini”, duke zhgënjyer edhe tifozët të cilët kishin mbushur shkallët e stadiumit.
Në minutën e 20′, Kili do të shënonte për Vargas. Shqipëria u asfiksua në mesfushë, me Asllanin dhe Ramadanin, të cilët e kishin të vështirë të organizoheshin. Në pjesën e dytë, po i njëjti refren, lojtarët e Kilit ushtronin presion duke mos lejuar asnjë moment që kuqezinjtë të krijonin ndonjë aksion.
Pavarësisht një gjysmë rasti të Brojës në të 74-tën, kili do të shënonte me Bolanon, dhe nw fund me Davila-n. Mbyllet 3-0 në Tardini, një ndeshje zhgënjyese, me Shqipërinë që tani do të mendojë për sfidën ndaj Suedisë.