Ndeshja mes Partizanit dhe Tiranës e cila ishte e vlefshme për javën e 24-të të “Abissnet Superiore”, përfundoi me fitoren e “Demave”. Derbi që u zhvillua në stadiumin “Air Albania”, përfundoi me rezultatin 2-1. Të parët që kaluan në avantazh ishin bardheblutë me anë të Latifit, por të besuarit e Orges Shehit gjetën forcën për të përmbysur me Skukën dhe Carën.
Me këtë fitore Partizani shkon në kuotën e 40 pikëve dhe mban vendin e dytë, ndërsa Tirana mbetet me 34 pikë në vendin e katërt, duke rrezikuar kështu Final Four-in.