Gjërat nuk shkojnë mirë për Dinamon e gjithashtu për teknikun Di Biaggio. Humbja 2-1 ndaj Erzenit ka komplikuar situatën e skuadrës që ndodhet në vendin e parafundit me 3 pikë.Në takimin që blutë do të zhvillojnë ditën e premte ndaj Partizanit, tekniku italian mund të bëjë ndryshime duke nisur nga porta.
Bekim Rexhepi bëri një gabim të rëndë në ndeshjen e fundit me Erzenin, që i kushtoi humbjen skuadrës. Trajneri i doli në krah Rexhepit pas ndeshjes, duke lënë të nënkuptohet se vazhdon t’ia besojë atij fanellën e titullarit. Megjithatë, mund të ketë një rotacion me Edmir Salin këtë herë.