Në Stadio Olimpico, Roma dhe Milani zhvillojnë kryendeshjen e xhiros së 24 në kampionatin italian, Serie A.
Giallorossët kanë 44 pikë në vend të pestë në tabelë dhe me fitore eventuale do ta kalojnë Juventusin duke u pozicionuar në vend të tretë në renditje.
Rossonerët që ndodhen në vend të dytë (49 pikë) kanë për qëllim që ta ngushtojnë diferencën me liderin Inter që tashmë është ngritur në kuotën e 56 pikëve.
Trajnerët Paulo Fonseca dhe Stefano Pioli i kanë përgatitur taktikat e tyre për këtë përballje.
Formacioni startues i Romës: Pau Lopez; Mancini, Cristante, Fazio; Karsdorp, Villar, Veretout, Spinazzola; Pellegrini, Mkhitaryan; Borja Mayoral.
Formacioni startues i Milanit: G Donnarumma; Calabria, Kjaer, Tomori, Theo Hernandez; Tonali, Kessie; Saelemaekers, Calhanoglu, Rebic; Ibrahimovic.
Burimi: Telegrafi