192
Filip Najdovski rikthehet në shtëpi. Mbrojtësi maqedonas ka nënshkruar kontratën e re me Vardarin dhe rikthehet në vendlindjen e tij.
31-vjeçari mbyll kështu zyrtarisht një aventurë 4-vjeçare me Tiranën ku u kthye në një nga protagonistët absolut në fitimin e 1 titulli kampion dhe 1 Superkupe. Aventura me bardheblutë nuk u mbyll në mënyrën më të mirë, por në fund palët gjetën një gjuhë të përbashkët duke shtrënguar duart me njëri-tjetrin.
U diskutua edhe për një kthim pas duke u ribashkuar sërish, por së fundmi bie poshtë kjo pistë. Najdovski do të veshë sërish fanellën e Vardar, skuadra në të cilën luajti para Tiranës dhe fitoi titullin kampion në Maqedoni.