Erzeni nuk ia doli dot të mbijetonte në Kategorinë Superiore, duke u renditur në vendin e 9-të në kuotën e 32 pikëve. Pas këtij momenti, në klubin shijakas kanë nisur largimet e para.
Pas Nehar Sadikit, mësohet se Rodrigo Migone,Xhelil Asani dhe Florijan Kadriu nuk do rinovojnë me ekipin shijakas.Migone i afruar në verë ishte titullar stabël në formacionin e Deliallisit ndërsa Asani dhe Kadriu të ardhur në merkaton dimërore ishin pjesë e rotacionit.
Në ditët në vijim pritet të konfirmohen të tjera largime nga shijakasit, që në sezonin 2024-2025 do të jenë pjesë e Kategorisë së Parë.