Erzeni fillon spastrimet, klubi shijakas largon tetë lojtarë

by KLIKOJE.AL

Kampionati shqiptar është pushim këto ditë të para të vitit 2024, por ka nisur merkato e futbollistëve dhe të gjithë klubet po kërkojnë elemente cilësorë për të përforcuar organikën, ose po mundohen të largojnë ata lojtarë që nuk janë aktivizuar shumë në pjesën e parë të sezonit.

Klubi i Erzenit njofton se ka ndërprerë me konsensus bashkëpunimin me 8 lojtarë. Sokol Kiqina, Flavio Meçja, Amer Duka, Elian Çelaj, Kristi Kote, Elvis Gjoni, Edi Isteri dhe Klodian Pjetri kanë mbyllur aventurën e tyre te skuadra shijakase. Duhet theksuar se lojtarët kanë gjetur pak hapësira në formacionin e Erzenit në pjesën e parë të sezonit.

Shijakasit mbyllën me fitore vitin 2023, pasi mposhtën 1-2 në transfertë Partizanin në ndeshjen e fundit të Superiores. Erzeni ndodhet në vendin e tetë në renditje dhe ka grumbulluar 21 pikë në 18 ndeshje të luajtura në kampionat.

Ju gjithashtu mund të pëlqeni

Adblock Detected

Please support us by disabling your AdBlocker extension from your browsers for our website.