480
Erald Çinari pritet të largohet nga Shkëndija pas 1 viti e gjysëm në Tetovë. “Sport.mk” raporton se sulmuesi nuk do të vazhdojë kontratën me kuqezinjtë dhe do ta mbyllë këtu aventurën iliridase.
E njëjta media bën me dije se e ardhmja e Çinarit do të jetë në Shqipëri, aty ku do të rikthehet te Vllaznia. Një shkodran për klubin shkodran që nëse kryhet kjo marrëveshje, do të bënte një nga lëvizjet më të bujshme ende pa nisur zyrtarisht merkato.
Çinari është prodhim i akademisë kuqeblu, ndërsa kulmin e karrierës e kapi me Partizanin me të cilët fitoi edhe titullin kampion. 27-vjeçari është përfolur edhe më parë për rikthim në një nga dy ekipet e lartpërmendura, por këtë verë mund të bëhet realitet.