Pas disa javësh mungese për shkak të një dëmtimi në këmbë, Eliton Junior pritet të rikthehet së shpejti te Tirana, duke i dhënë trajnerit Bordin një opsion të rëndësishëm më shumë për përbërjen e ekipit. Lojtari ka kaluar një periudhë të gjatë rikuperimi dhe stafi mjekësor e konfirmon se ai është gati të marrë pjesë në stërvitje të plota dhe, më pas, në ndeshjet e kampionatit.
Rikthimi i tij është një lajm i mirë për tifozët bardheblu, që presin të shohin skuadrën e tyre të kompletuar dhe konkurruese në çdo repart. Eliton Junior nuk është i vetmi që pritet të bashkohet me ekipin. Meta gjithashtu do të jetë në dispozicion shumë shpejt, duke shtuar jo vetëm eksperiencë, por edhe cilësi në mesfushë. Me dy rikthime të tilla, Bordin fiton mundësinë të lëvizë më lirshëm lojtarët. Ndërkohë, Dembele vazhdon të jetë pjesë e grupit dhe pritet të jetë një nga pikat kyçe të ekipit në fazën sulmuese. Prezenca e tij bashkë me Zhunior dhe Meta do të rrisë opsionet taktike të trajnerit, veçanërisht në ndeshjet ku çdo gol dhe çdo minutë vendos shumë për rezultatin.