Egnatia duket se po lëviz në ditët e fundit të merkatos për të përforcuar radhët me lojtarë të cilët mund të ndihmojnë ekipin e drejtuar nga Edlir Tetova që të mbrojë titullin kampion të fituar në dy edicionet e fundit radhazi.
Sipas informacioneve nga gazeta portugeze “A Bola”, rrogozhinasit kanë tashmë akordin me një sulmues portugez, 23-vjeçarin Afonso de Oliveira Rodrigues. Anësori i djathtë i sulmit vjen nga radhët e Tondela, në elitën e futbollit portugez, ndërsa më parë ka luajtur edhe në skuadra si Famalicao dhe Pacos Ferreira.
Futbollisti do të nënshkruajë për dy vite e gjysmë me kampionët në fuqi të Superiores të Egnatia-s, të cilët aktualisht kryesojnë renditjen bashkë me Vllazninë. Klubi i Tondela ndërkohë, ka ruajtur 50% të kartonit të futbollistit, për të përfituar nga një shitje e tij e mundshme në të ardhmen.
Me pak hapësirë te Tondela, lojtari zhvilloi nëntë ndeshje, shtatë në kampionat, një në Kupën e Portugalisë dhe një në Kupën Allianz (në këtë kompeticionin e fundit, në fakt, ai arriti pozicionin e tij si titullar, kundër Benfica-s 0-3, në çerekfinale , Afonso Rodrigues pranoi sfidën e tanishme drejt kreut të ri shqiptar.