Edlir Tetova, u shfaq tepër i zhgënjyer nga arbitrimi në fundin e duelit ndaj Vllaznisë të zhvilluar në stadiumin “Loro Boriçi”. Në prononcimin e dhënë për emisionin “Super Gol”, Tetova u shpreh:
“Nuk besoj që nuk shkoi diçka. Prisnim Vllazninë shumë më agresive, donim të shkonim në ritmin tonë. Dua të përgëzoj të dyja ekipet, bënë një ndeshje shumë të mira. I vetmi që nuk ishte në lartësi ishte arbitri. Nuk e di ku e gjetën në një ndeshje hapëse. Bakajoko ishte zgjedhje, edhe sulmuesi tjetër bëri mirë. Do të presim për të ardhmen e Bakajokos.
Është shpejt, edhe lojtarët e rinj do të futen në linjën e lojës së Egnatias. Goditjet standarte janë për t’u riparë. E dinim që Vllaznia është e fortë në luftën në ajër. Penalltia ishte kontakt me trup. Në minutën e 46-të Kuros shkeli Xhemailin dhe nuk u dha asgjë. Na habiti. Edhe kartonët e Voltait nuk ishin. Kartoni i dytë i verdhë ishte faull në sulm. Nuk e di, vetëm ky lloj gjyqtari i pa.
Të dy ekipet bënë lojë korrekte. Vllaznia ishte në Superioritet, edhe ne kemi televizor në bankinë, i shikojmë të gjitha. Ndeshje e parë e kampionatit, të ndikojë arbitri. Nuk e di qoftë ai që është.
I heq djersën një grupi lojtarësh. A do arbitrojë ky në vazhdim, jam shumë kurrioz. Se lojtari jonë do të mungojë ndeshjen tjetër. Grupin e kam super, lojtarët i kam marrë. Thjesht është çështje mekanizmash. Lojtarët i marr me karakteristikat që më duhen mua në ekip.
Është çështje biznesi, çdo gjë është në vijë siç mendon i pari i biznesit”, u shpreh Tetova.