Deputetja e PL-së, Erisa Xhixho ka reaguar në lidhje me skandalin e radhës së kryeministrit Edi Rama me gazetaren e SYRI-t, Ambrozia Meta, duke e shtyrë fizikisht gjatë prononcimit për mediat.
“Sjellja e sotme e kryeministrit ndaj gazetares Ambrozia Meta është reflektim i mënyrës sesi ai zgjedh të qeverisë: me arrogancë dhe duke shmangur çdo formë transparence. Incidenti i regjistruar sot gjatë bashkëbisedimit me gazetarët është skena më e shëmtuar dhe ilustrim i raportit që ai ka vendosur të ketë me median”, shkruan Xhixho në Facebook.
Postimi i plotë:
Sjellja e sotme e kryeministrit ndaj gazetares Ambrozia Meta është reflektim i mënyrës sesi ai zgjedh të qeverisë: me arrogancë dhe duke shmangur çdo formë transparence.
Incidenti i regjistruar sot gjatë bashkëbisedimit me gazetarët është skena më e shëmtuar dhe ilustrim i raportit që ai ka vendosur të ketë me median.
Është e patolerueshme mënyra sesi ai reagoi pas pyetjes mbi investimet strategjike. Është e pafalshme prekja fizike e gazetarëve apo kujtdo që ka guximin të ngrejë pikëpyetje mbi vendimet e një kryeministri që e ka problem llogaridhënien para qytetarëve.