FK Partizani ka njoftuar rikthimin e Emiliano Vilës në familjen e kuqe. Drejtuesit dhe mesfushori i njohur kanë mbyllur pozitivisht marrëveshjen mes tyre dhe nga sot Vila do të jetë pjesë e Kampionëve të Shqipërisë për këtë sezon futbollistik. Pas eksperiencës pozitive me Teutën sezonin e kaluar Vila rivesh fanelën e kuqe.
Për Emiljano Vilën ky është rikthimi i tretë. Në sezonin 2014-2015 Vila luajti 34 ndeshje duke shënuar katër gola. Ndërsa pas eksperiencës te Inter Baku Vila u rikthye sërisht në vitin 2016–2018 duke regjistruar 67 ndeshje dhe 5 gola.