Pas zyrtarizimit të Kaina Nunes dhe Gentian Selmanit, Tirana bëhet gati për një tjetër merkato cilësore. Mësohet se klubi bardheblu e ka mbyllur marrëveshjen me Albi Dokën dhe brenda tri ditësh, mbrojtësi do të rikthehet të jetë pjesë e klubit bardheblu. Negociatat janë të avancuara për rikthimin e tij, duke qenë se Honved i tij ra nga kategoria në Hungari.
Megjithatë surpriza nuk përfundojnë këtu pasi Tirana është në bisedime me Liridon Latifin. Sulmuesi anësor i ka kërkuar drejtuesve kuqeblu 130 mijë euro në vit, dhe kjo kërkesë ka stepur drejtuesit që i kanë treguar derën 29-vjeçarit. Drejtuesit e Tiranës kanë kontaktuar lojtarin dhe tashmë po përflitet për çështjen e pagës, me lojtarin që mund të ulë pretendimet në rast se transferohet në kryeqytet.