Në Federatën Shqiptare të Futbollit ishte i ftuar në kursin për drejtorët sportiv, drejtori i Inter, Piero Ausilio. Në orët e fundit është përfolur për një interesim të klubit zikaltër ndaj Armando Brojës, vetë drejtori komentoi se lojtari nuk bën pjesë në planet e Interit. Ausilio foli gjithashtu edhe për Kristjan Asllanin.
“Jo, më vjen keq por nuk është e vërtetë sepse ne jemi të kënaqur me sulmuesit që kemi. E njoh Brojën dhe e di që po rikuperohet nga një dëtim i rëndë e që ka bërë edhe një gol. Shpresoj të jetë i rëndësishëm për Kombëtaren tuaj, duke filluar nga e enjtja. Por te Inter, nuk ka asnjë mundësi.”
“Asllani u mor sepse kemi konsideratë për të. Si gjithë të rinjtë ka nevojë për kohë. Ne besojmë te ai, edhe trajneri gjithashtu. Në merkaton e fundit, daljen e Brozovic e bëmë për ti krijuar më shumë hapësirë atij. Në atë pozicion kemi atë e Calhanoglu. Ai po bën minuta, eksperienca me Kombëtaren do ta bëjë më të fortë. Besojmë shumë te ai.”