336
Pavarësisht fitores 5-0 ndaj Egnatias, Julian Ahmataj nuk ka rritur kuotat për të qendruar në stolin e Tiranës. Pas ndeshjes vetë tekniku la të nënkuptohej se klubi është në kërkim të një tjetër trajneri.
Janë disa emra në listë për të marrë drejtimin e Tiranës, por Klikoje Sport ka mësuar se tekniku më i favorizuar është Ernest Gjoka. Pritet që këto ditë 53-vjeçari të takohet me drejtuesit për të folur fillimisht rreth projektit, por edhe sa i përket pjesës financiare. Hera e fundit që Ernest Gjoka ka drejtuar një skuadër në Kategorinë Superiore ka qenë Kukësi në vitin 2019, më pas erdhën eksperiencat me Shkëndijën dhe Ohod në Arabinë Saudite.
