Fansja e çmendur e Lionel Messi, Miss Bum Bumi ka premtuar se do të bëjë një “super tatuazh” të ri nëse Argjentina fiton Kupën e Botës. Suzy Cortez, e cila njihet si “Miss Bum Bum”, ka premtuar se do të bëjë një “super tatuazh” të ri nëse Argjentina arrin që të fitojë Kupën e Botës.
Modelja dhe prezantuesja televizive me origjinë braziliane është bërë e njohur si fansja e çmendur e futbollistit të famshëm, Lionel Messi. Madje ajo ka edhe tatuazh portretin e tij afër pjesëve intime.
Cortez herë pas here merr vëmendjen e ndjekësve me imazhet erotike në rrjetet e saj sociale duke pozuar me fanellat e tij. Madje, ajo u bllokua nga fituesi shtatë herë i Topit të Artë pasi i dërgoi disa foto seksi.
“Daily Star” shkruan se tani ajo ka zbuluar planet për një tatuazh të ri nëse ai fiton Kupën e Botës së tij të parë në Katar.
“Premtimi im është të bëj një super tatuazh dhe do të festoj fitoren në qytetin e Rosarios ku ka lindur Messi”, tha ajo për median britanike.