204
Ish-futbollisti i përfaqësueses së Francës, Anelka, ishte nga afër për të ndjekur ndeshjen miqësore që skuadra e FC Shkupit zhvilloi kundër ekipit turkmen, Merë FT. Anelka pati mundësinë të shihte potencialin dhe performancën e skuadrës shqiptare, që në fund regjistroi një fitore 2-0.
Pas përfundimit të ndeshjes, presidenti Olgun Aydin dhe Nicolas Anelka zhvilluan një takim ku diskutuan për mundësitë e një bashkëpunimi më të madh. Ky takim shënon një hap të rëndësishëm për zhvillimin e mëtejshëm të klubit shkupjan, duke synuar përmirësimin e strategjive dhe punës në fushën e futbollit.
Anelka shprehu kënaqësinë e tij për mikpritjen nga drejtuesit e FC Shkupit, ndërsa i njëjti pritet të vizitojë këtë skuadër edhe në qendrën stërvitore.